புள்ளி
ஒரு தளத்தில் உள்ள ஒரு குறிப்பிட்ட இடத்தைச் சுட்டுவது “புள்ளி”.
புள்ளி = point / dot
குறி - குறியீடு
ஒரு பொருளை உணர்த்தவதற்காக (அறிவிக்க / தெரிவிக்க ) ஒரு தளத்தில் முறைப்படி வரிகளால் இடப்படும் வடிவம் தான் குறி. இடப்படுவதால் இதனைக் குறியீடு என்ன அழைக்கலாம். எ.க.
- ”+” இது கூட்டல் குறி
- ”?” இது கேள்வி குறி
ஒருவர் மற்றொருவரிடம் கூறிய சொற்தொடர் ஓர் வினா என்பதை உணர்த்த ஒரு சிறிய குறி “?” போதுமானதாய் இருக்கிறது.
குறி= sign / code
உரு / வடிவம்
ஒரு பொருளின் உள் எது? புறம் எது ?என்று வரிகளால் வரைந்து வரையறுக்கப் படுத்தவேஉருவம் / வடிவம்.
உருவம் / வடிவம்= form / shape
வரையறுத்தல், சுற்றியுள்ள சூழிலிருந்து அறுத்து எடுப்பது போல (வடிகட்டி ) வேறுபடுத்தி வரிகள் சேர்ந்து காட்டும் காட்சி தான்உருவம் / வடிவம்.
சின்னம்
அடிப்படையில் சின்னம் என்பது ஒரு குறிதான். வேறுபாடு என்னவென்றால் குறி ஒரு நேர் பொருளை குறிக்கும்.
சின்னம் இடப்படுகிற சூழலை பொறுத்து , அதன் இயல்பான பொருளில் இருந்து வேறுபடும். சின்னம் ஒரு சூழலில் (ஒரு பிரிவினர் / இடம் ) அது அடையாளமாய்த் திகழும், மற்றவருக்கு அது வெறும் குறி மட்டுமே.
சின்னம் = symbol [special meaning in specific context ]
எ.க. ஒரு நாட்டின் கொடி , அந்த நாட்டுக் குடிமக்களுக்கு ஓர் அடையாளம் / சின்னம். வேறு நாட்டவரை பொறுத்தவரையில் அது வண்ணத்துணி.
ஒருவனை மற்றவரிடத்தில் இருந்தும் / ஒரு பொருளை மற்றவையில் இருந்தும் வேற்றுமைப்படுத்தி , அவனை அடைய உதவியாய் இருப்பதே “அடையாளம்”.
தமிழ் நம் தொன்ம அடையாளம், நினைவு கொள்வீர்.
எழுத்து
ஒலிப்பு ஓசைகளுக்கு இணையாய்க் கொடுக்கப்படும் வரிவடிவமே (குறியீடுயே / உருவமே ) ஒரு மொழியின் எழுத்துகள்.
எழுத்து= Letter
வரியுரு
கணிணிகளுக்கும் / பொறிகளுக்கும் மனிதர்கள் எழுதும் மொழியின் எழுத்துகள் மற்றும் வேறு சிறப்புக் குறியீடுகளைப் பொதுவாய் *வரியுருகள் * என்று அழைக்கலாம். . வரிகள் தான் உருவத்தைப் புலப்படுத்தும்.
வரியுரு = character
எழுத்துரு
ஒரு வரியுருவின் அழகையேற்ற சிறுசிறு உருவ மாற்றம் செய்தாலும், நம்மால் அந்த வரியுருவை அடையாளம்காண முடியும்.
பலரும் ஒரே வரியுருவை வெவ்வேறு விதமாய் எழுதுவர்.
கணிணியில் வெவ்வேறு விதமாய் எழுத உதவது “எழுத்துரு “ .
எழுத்துரு = font
சரம்
மலர்கள், முத்துக்கள் போன்ற சிறிய பொருட்களை நூலில்/ நாரில்/ கம்பியில் கோர்த்துப் பயன்படுத்தப்படும் சிறு மாலைகளுக்குச் சரம் என்பது பெயர்.
- முத்துச்சரம்
- முல்லைசரம்
- சரவெடி
வரியுருகள் ஒன்றன் பின் ஒன்றாக ஒரு நூலில்கோர்க்கப்பட்டது போல இருப்பதை கணிணியலில்சரம் என்று கூறுவர்.
சரம் = string